ÍSRAEL TAKKAR FØROYINGUM

Fyrstu ferð í 2000 ár er Ísrael nú bústaður hjá meirilutanum av øllum heimsins Jødum, men tó hevur ALIYAH (at Jødar flyta heim) hægstu raðfesting í Ísrael.

20. februar 2020

Síðan 2006 hava Vinafelagið Føroyar-Ísrael og Føroyska Ísraelsmissiónin samstarvað undir navninum HJÁLP JØDUNUM HEIM.

Nógvir føroyingar hava teknað seg at stuðla fast, hvønn mánaða, og onnur stuðla av og á.

Allur stuðul fer óskerdur til ísraelska felagsskapin KEREN HAYESOD, sum, í tøttum samstarvi við ísraelska statin, hjálpir Jødum heim til Ísraels at búgva. Hetta umfatar sjálvan flutningin, fyribils bústað, frálæru í hebraiska málinum og onnur praktisk viðurskifti, so sum at royna at finna arbeiði og síðan fastan bústað.

Vit hava við egnum eygum sæð, hvussu ómetaliga væl verður tikið ímóti hesum nýggju tilflytarunum. Teir verða umfevndir við kærleika frá fyrsta degi.

Tá ið eitt ella tvey ár eru liðin, hevur stórur partur av hesum nýggju íbúgvunum funnið seg til rættis í nýggja heimlandi sínum. 

Samanlagt, hava føroysku feløgini megnað at stuðla við kr. 1.790.000,- hesi árini.

KEREN HAYESOD varð stovnaður í London í 1920 og verður 100 ár í apríl mánaði, komandi.

KEREN HAYESOD hevur eina norðurlendska deild fyri vinir Ísraels. Noam Bedein, sum var í Føroyum í fjør, er leiðari í hesi deild, sum umfatar Grønland, Ísland, Føroyar, Noreg, Svøríki, Danmark, Finland og Áland.

Noam takkar hjartaliga fyri stuðulin, og letur heilsa føroyingum, sum stuðla so dyggiliga.

Framvegis er ein støðugur streymur av jødum, sum flyta til Ísraels:

Í 2017, íalt 28.220                               Í 2018, íalt 29.600                               Í 2019, íalt 34.000

Síðan 2010 eru íalt uml. 255.000 jødar fluttir til Ísraels.

 

"Hann skal .... savna hinar burtriknu menn Ísraels og sanka hinar sundurspjaddu kvinnur Juda, úr hinum fýra hornum jarðarinnar."  Es. 11,12

Seinastu tíðindi

Ísrael fer at testa russisku vaksinuna
12. august 2020
Føroysk frálandsvinna sær møguleikar í Ísrael
11. august 2020
BRASILSKIR JØDAR KOMA HEIM TIL ÍSRAELS (GERA ALIYAH)
02. august 2020
Týdningarmiklir menn í Ísrael
26. juli 2020
Sendistovan í Tel Aviv - fyribils
23. juli 2020
NÓN 15. juli 2020
18. juli 2020
Ein avbjóðing til tín!
24. juni 2020
SEKS "UNDUR-DAGAR"
05. juni 2020