BAHRAIN OG ÍSRAEL SETA Í VERK FULT DIPLOMATISKT SAMBAND

Bahrain verður sostatt tað næsta landið í Flógvanum at fáa vanlig viðurskifti ílag við Ísrael, eftir tað at Sameindu Emiratini (UAE) og Ísrael samdust um tað tann 13 august.

12. september 2020

Boðini úr Hvítu Húsunum ljóðaðu, at Bahrain hevði tikið ímóti einari innbjóðing frá Trump forseta at vera saman við Ísrael og UAE til eitt hátíðarhald í Hvítu Húsunum í næstu viku (15 sept), har teirra søguliga friðaravtala verður undirskrivað.
Samstundis fara Netanyahu og uttanríkisráðharri Baharains Abdullahatif Al Zayani at undirskriva eina søguliga fráboðan um frið.
”Hetta er eitt søguligt gjøgnumbrot, sum fer at virka fyri friði í Miðeystri. Virka fyri og gera møguligt beinleiðis samband og bond millum hesi bæði máttmiklu samfeløg og teirra framkomna búskap; fer framhaldandi og sannførandi at broyta Miðeystur og økja um støðufesti, trygd og framburð í økinum”, ljóðaði fráboðanin úr Hvítu Húsunum.
Benjamin Netanyahu forseti segði, at hann var spentur at boða frá friðaravtalu við eitt annað arabiskt land – í hesum føri Bahrain.
”Tað gingu 26 ár frá tí næstu friðaravtaluni við eitt arabiskt land til ta triðju, og tað tók okkum ikki 26 ár, men 29 dagar, at fáa ein friðaravtalu ílag við eitt fjórða arabiskt land og fleiri eru í væntu” segði Netanyahu í eini útvarpsrøðu, send aftaná fráboðanini. ”Hetta er eitt nýtt tíðarskeið fyri frið - frið fyri frið - búskap fyri búskap” legði hann afturat.

Kelda: Arutz Sheva

Seinastu tíðindi

416 tilflytarar úr Etiopia
03. desember 2020
Tjóðartingið í Ísrael um at skriva út nýval
02. desember 2020
3 HOLOCAUST FILMAR
22. november 2020
JERUSALEM
22. november 2020
Marknaður fyri fiskavøru í Ísrael
28. oktober 2020
John Rajani verður sendimaður Føroya í Ísrael
27. oktober 2020
Tríggir nýggir holocaustfilmar
16. oktober 2020
GÓÐAR DADLUR úr ÍSRAEL
11. oktober 2020