Ísrael koppsett 1 mió.

Tað gongur við rúkandi ferð at koppseta ísraelar. Umleið 150.000 verða koppsett um dagin

02. januar 2021

Ísrael er á odda í kappingini um at koppseta fólk. Sambært BBC hava ísraelar megnað at koppseta meira enn eina millión fólk fyrstu ferð fyri koronavirus. Tað er eitt koppsetingartal á 11.55 fyri hvørji 100 fólk. Til samanberingar hava fólk úr Bahrain eitt koppsetingartal á 3.49 fyri hvørji 100, og Stórabretland eitt tal á 1.47 fyri hvørji 100 fólk, vísir ein kanning, sum verður gjørt í samstarvi við lærda háskúlan í Oxford.

USA ov seinir

USA, ið er hart rakt av korona virus rakk ikki endamálið við at koppseta 20 mió. áðrenn 2021. Bert 2,78 mió. amerikanar hava fingið fyrstu koppsetingina.

Ísraelar koppseta umleið 150.000 fólk um dagin, og hava gjørt tað líka síðani 19. desember. ísraelar vóru millum tey fyrstu, sum tóku upp samráðingar við Pfizer-BioNtech um koppingarevni, og tryggjaðu sær koppsetingar tíðliga.

Benjamin Netanyahu, sum hevur sitið sum forsætismálaráðharri, og sum stillar upp til valið, metir, at Ísrael longu kann hava koppsett allar borgarar í februar.

Kelda:  kvf.fo  Heini Gaard

Seinastu tíðindi

Tá ið Hitler stjól ljósareyðu kaninina
20. januar 2021
Netanyahu gleðir seg til samstarv við Biden
20. januar 2021
Starvs­fólk til føroysku umboðs­stovuna í Ísrael
15. januar 2021
Ísrael framvegis á odda
11. januar 2021
Virusneutrala ísraelska anlitsmaskan
02. januar 2021
Ísrael koppsett 1 mió.
02. januar 2021
Ísraelar senda heiminum vónrík nýggjársynski
29. desember 2020
Tá ið dreymar gerast veruleiki (1)
29. desember 2020