Sorgarleikur í Ísrael í nátt
Í minsta lagi 45 vórðu troðkað til deyðis, tá ið tey hátíðarhildu Lag Ba'Omer í Norður Ísrael.
Vanlukkan hendi, tá ið túsundtald fólk gingu oman gjøgnum ein trongan, brattan og hálan trappuskráa. Brádliga fór mannamúgvan á glið og nógv vórðu traðkað niður í ruðuleikanum, sum kom í.
Í minsta lagi 45 mistu lívið og 150 fingu skaða.
Í friðartíð er hetta er álvarsligasti sorgarleikur í Ísrael í nýggjar tíð.
Benjamin Netanyahu forsætisráðharri bað Magen David Adom-bjargingarfólkið gera alt sum tilbar, at hjálpa.
"vit biðja eftir at tey særdu skjótt skulu koma fyri seg" segði Netanyahu, sum kom á staðið í morgun.
Jødiskur halgidagur.
Á fjallinum Mirron varð ein sera týðandi rabbinari, Shimon bar Yochai jarðaður í 2.øld. Har er nú minningarhaldið Lag BaOmer á hvørjum ári.
Tíggutúsundtals ortodoksir jødar, vóru savnaðir tá ið vanlukkan hendi.
Kelda: haaretz.com