Fólkið, ið Eg havi skapt Mær ...
Fólkið, ið Eg havi skapt Mær,skal kunngera prís Mítt. Es.43.21
Ísrael kann ikki samanberast við nakra aðra tjóð. Gud grundaði hesa tjóð “til Sín sjálvs”. Skapti Sær hana.
Ísrael er einasta tjóð í heiminum, ið er skapt til endamál Guds og til Hansara tokka. Sjálvt um tey eru vilst av leið og í øldir hava liðið ovurstórar líðingar, so er Gud ikki liðugur við Ísrael, tí Hann staðfestir, at tey skulu “kunngera prís Mítt”. Hann hevur givið lyftið: “Eg gevi frelsu í Zion og gevi Ísrael dýrd Mína.” Es.46.13.
Hesi lyfti eru ikki til nakra aðra tjóð ella til samkomuna.
Ísrael eigur á eina framtíð saman við Gudi! Tað er einki menniskju kunnu gera nakað við, tí Gud hevur lovað tað. Trúgvandi eiga biðja fyri frelsu Ísraels, signing og friði.
Úrvalt - Páll Poulsen týddi úr enskum.