Tá ið orrustan “Operation Protective Edge” leikaði í, og Hamas nýtti eitt umfatandi tunnilsnetverk til álop, skeyt hervaldið upp at gera eina byrging til tess at forða fyri hóttanum fyri tunnulsálopum tvørtur um markið og støðga yvirgangsbólkum úr Gaza at leypa á inni í suður Ísrael.
      Verjumálaráðharrin Benny Gantz rósti verkinum og segði at "girðingin forðar Hamas og setur ein jarnmúr, ávaringarskipan og betong millum teir og íbúgvarnar í suður Ìsrael. At fólk sleppa at liva sítt vanliga lív er ein sigur og er størsti fíggindin hjá yvirgangsbólkum” legði hann aftrat og segði, at hervaldið fer at halda fram við at berja niður allar hóttanir at skaða Ìsrael og borgarum tess við rakettum.
      “Vit vilja forða fyri at Iransk vitan og tøkni kemur inn í Gaza og vit fara áhaldandi at forða øllum royndum hjá Hamas at virka við sínum deildum í Judea og Samaria ella inni í Ísrael. Royndir, sum ferð eftir ferð eru miseydnaðar” legði hann aftrat.
      Ábøturnar á girðingina byrjaðu í 2017 og hildu á uttan slit í trý og eitt hálvt ár, eisini tá ið March of Return mótmælini og ymiskir samanbrestir millum yvirgangsbólkar og IDF vóru. Kostnaðurin var umleið 3,5 milliardir NIS.

Kelda: Jerusalem Post