Jenis til Ísraels at kanna sendistovumøguleikar

Við í ferðalagnum hjá landsstýrismanninum í uttanríkismálum vera eisini vinnulívsfólk. Jenis av Rana, landsstýrismaður, fer eisini at hitta ísraelska sendiharran í Keypmannahavn.

27. februar 2020

Fyrst í apríl ella í seinnu helvt av mai mánaði fer Jenis av Rana, landsstýrismaður í uttanríkismálum, til Ísraels at kanna møguleikarnar fyri at seta á stovn sendistovu har, skrivar Sosialurin í dag 26. februar 2020.

Við landsstýrismanninum í uttanríkismálum fara vinnulívsfólk til Ísraels.
Jenis av Rana sigur við Sosialin, at vinnulívsfólk hava vent sær til hansara, og tí hevur hann gjørt av at bjóða vinnulívsfólki við til Ísraels, í royndini at fáa samband við vinnulívsfólk har.

Vinnulívsfólk í Føroyum hava vent sær til møguligar samstarvsfelagar í Ísrael, men teir hava aftrað seg, tí einki formligt samband er landanna millum, sigur Jenis av Rana.

Hittir ísraelska sendiharran
Áðrenn landsstýrismaðurin fer til Ísraels, hevur hann avtalað fund við ísraelska sendiharran í Keypmannahavn. Tann fundurin verður í fyrru helvt av mars mánaði.

Løgtingið hevur játtað hálva triðju millión krónur á fíggjarlógini í ár til sendistovu í Ísrael, men hon fer væntandi at kosta fýra milliónir krónur um árið at reka.

Jenis av Rana dylir ikki fyri, at Jerusalem framvegis er fremst í huga hansara, tá talan er um sendistovu, men mest avgerandi er, at Føroyar fáa eina sendistovu í Ísrael, sigur hann við Sosialin.

Kelda:  kvf.fo  

Seinastu tíðindi

416 tilflytarar úr Etiopia
03. desember 2020
Tjóðartingið í Ísrael um at skriva út nýval
02. desember 2020
3 HOLOCAUST FILMAR
22. november 2020
JERUSALEM
22. november 2020
Marknaður fyri fiskavøru í Ísrael
28. oktober 2020
John Rajani verður sendimaður Føroya í Ísrael
27. oktober 2020
Tríggir nýggir holocaustfilmar
16. oktober 2020
GÓÐAR DADLUR úr ÍSRAEL
11. oktober 2020