Varaformaðurin í PNC (Palestinian National Council) Ali Faisal, segði á einum fundi fyri stuttum, at tað er ein bindandi palestinensisk avgerð “at uppsiga allar avtalur við Ísrael”. Hann legði aftrat, at sæð frá sjónarmiðinum hjá palestina leiðlsluni og millum palestinensar “so eru teir komnir á eina mótstøðuleið við øllum tí sum tað inniber”- ein orðing sum klárt og týðiliga sipar til nýtslu av harðskapi og yvirgangi.
Avgerðin hjá PNC var eitt viðmæli til PLO um at uppsiga allar skyldur í Oslo avtaluni og støðga trygdarsamstarvinum við Ísrael.