Hanna Olsen, ein góður vinur Ísraels farin

Eftir stutta sjúkralegu, andaðist Hanna Olsen, 29. august 2020, 79 ára gomul.

10. september 2020

Hanna var fødd í Havn 13. des. 1940. Foreldrini vóru Johanna Malena og Hans Sundstein, sjómansskúlalærari. 
Hanna og maðurin Olaf, vóru trúgvir vinir Ísraels. Tey møttu væl upp til fundir og annað virksemi í Vinafelagnum Føroyar-Ísrael. Á aðalfundunum hevur Olaf mangan verið skrivari.
Hanna og Olaf vóru fleiri ferðir í Ísrael, har tey eisini kendu fólk. Myndin er tikin í november 2016 í Ísrael, tá ið nøkur vinfólk úr Føroyum vóru boðin í hugnaligan 90-ára føðingardag hjá føroyavininum Menakhem Ben-Yami, sum er fiskifrøðingur og hevur verið nakrar ferðir í Føroyum.
Takk, Olaf og Hanna fyri tykkara stuðul og trúfesti. 
Vit biðja Gud Ísraels og okkara troysta Olaf í sorgini og stóra tómrúminum eftir konu sína.
Vit minnast eisini børn og barnabørn teirra. 
Við hesum fáu orðum lýsa vit frið yvir minnið um ísraelsvinin Honnu Olsen.

Vinafelagið Føroyar-Ísrael
Dánjal Poulsen

Seinastu tíðindi

Tá ið Hitler stjól ljósareyðu kaninina
20. januar 2021
Netanyahu gleðir seg til samstarv við Biden
20. januar 2021
Starvs­fólk til føroysku umboðs­stovuna í Ísrael
15. januar 2021
Ísrael framvegis á odda
11. januar 2021
Virusneutrala ísraelska anlitsmaskan
02. januar 2021
Ísrael koppsett 1 mió.
02. januar 2021
Ísraelar senda heiminum vónrík nýggjársynski
29. desember 2020
Tá ið dreymar gerast veruleiki (1)
29. desember 2020