Ísrael "steingir" í tríggjar vikur

Fyri at minka smittuspjaðingina sleppa fólk í Ísrael ikki at fara longur enn 500 metrar heimanífrá, galdandi frá komandi fríggjadegi 18. september 2020.

13. september 2020

Hesum boðaði forsætisráðharri Ísraels, Benjamin Netanyah frá sunnudagin 13. sep. Hann hevur eisini biðið fíggjarmálaráðharran gera ein hjálparpakka til vinnuna, sum verður rakt av hesum tiltaki.
"Á stjórnarfundi í dag eru vit vorðin samd um hesi strongu tiltøk, at galda í tríggjar vikur. Møguliga kann hetta tíðarskeið verða longt eisini" segði Netanyahu í sjónvarpsrøðu í kvøld.
"Stongsulin" kemur í gildi 18. sept. kl. 12.00. Tað er tríggjar tímar áðrenn ísraelska nýggjárið byrjar og verður fagnað.
Samb. forsætisráðharran er Ísrael farið upp um 4000 nýggjar smittutilburðir um dagin.
Nærri verður kunnað komandi dagar. Ætlanin er, at í mesta lagi 10 skulu kunna savnast innardura og 20 uttandura.
Fólk hava loyvi at fara í mesta lagi 500 metrar heimanífrá, men hava tó loyvi at flyta seg millum heim og arbeiðspláss.
Skúlar og handilsmiðstøðir verða stongd, men smáu handlarnir sum selja hvønndagsvørur og apotekini verða tó opin.
Ísraelska fíggjarmálaráðið roknar við, at hesi tiltøkini fara at kosta landinum einar 12 milliardir í okkara peningi.
Hetta er aðru ferð at Ísrael noyðist at "steingja" landið av Korona; tað var í apríl mánaði og tá vóru tiltøkini uppaftur harðari. Tá minkaði smittuspjaðingin stórliga.
kelda: ritzau / eb.dk

Seinastu tíðindi

Honduras letur upp sendistovu í Jerusalem
21. september 2020
Ísrael "steingir" í tríggjar vikur
13. september 2020
BAHRAIN OG ÍSRAEL SETA Í VERK FULT DIPLOMATISKT SAMBAND
12. september 2020
Sendifólk til sendistovu Føroya í Ísrael
11. september 2020
Hanna Olsen, ein góður vinur Ísraels farin
10. september 2020
U-21 - Føroyskur sigur á Ísrael á Svangaskarði
03. september 2020
Onnur søgulig flogferð í dag
01. september 2020
Søgulig flogfer úr Ísrael til Abu Dhabi
01. september 2020