Ísrael er fremst
Samstundis sum vit her um okkara leiðir ikki eru komin í gongd við at koppseta fólk ímóti Korona, og samstundis sum tey fyrstu í Danmark í dag fingu sproytuna, ber til at staðfesta, at Ísrael er tað landið í heiminum, sum er komið longst við at koppseta sínar íbúgvar.
Koppsetingin í Ísrael byrjaði fyri einari viku síðan; beint nú verða 70.000 koppsett um dagin, og málið er at 150.000 fólk skulu koppsetast um dagin um stutta tíð. Tilsamans 9 milliónir fólk búgva í Ísrael.
Til samanberingar kann nevnast, at danska heilsustýrið hevur sum mál, at 250.000 danir skulu vera koppsettir áðrenn 1. mars. Tá er meiningin, at tey í Ísrael aftur skulu hava ein at kalla vanligan gerandisdag, tí øll eru koppsett.
Kelda: vp.fo Gunnar Skúvadal 27/12/2020 18:26