Ísrael í hernað móti umfatandi misinformasjón
Myndugleikarnir í Ísrael hava sett á stovn miðstøð, sum stríðist ímóti misinformasjón um koronavaksinuna og fær fólk til at siga nei til koronasproytuna.
At byrja við fingu um 100.000 til 120.000 sproytuna um dagin, men nú vísa seinastu tølini at hetta tal er komið niður á 60.000 um dagin.
- Tíverri gera følsku tíðindini á sosialu miðlunum og í pressuni stóran skaða. Fólk eru ikki nóg bangin fyri koronavirusinum, sigur Kalanit Kaye við Times of Israel.
- Okkara trupulleiki er, at ein heilur ídnaður er sprottin út frá hesi somu lítlu ideologisku kjarnu, segði hann við avísina Haaretz leygardagin, skrivar danska TV 2.
Átøkini móti misinformasjón eru eisini vend móti ortodoksu jødunum í Ísrael, sum eru sera ivingarsamir viðvíkjandi vaksinuni.
Millum annað sendu myndugleikarnir sunnudagin tann 14. februar eina almenna ávaring út móti jødiska rabbinanum Yuval Hacohen Asherov, sum marknaðarførdi seg sum alternativur viðgerði og helt uppá, at vaksinan móti koronavirusinum er lívshættislig og skaðilig fyri gitnaðarføri.
Kelda: vp.fo