KATAR FÍGGJAR GASSLEIÐING ÚR ÍSRAEL INN Í GAZA
KATAR LETUR 60 MILL USD TIL TESS AT FÍGGJA EINA GASSLEIÐING ÚR ÍSRAEL INN Í GAZA Fleirtjóðaætlanin fer at syrgja fyri at jarðgass frá Leviathan boripallinum fer at renna ígjøgnum eina nýggja rørleiðing inn í Gaza geiran til tess at reka einasta elorkuverkið og gera enda á endaleysum streymsliti og orkukreppu, sum hevur skatt búskapin meint.
Fráboðan Katars, ið var lýst á heimasíðu uttanríkisráðsins, kom tveir dagar aftaná, at tað var fráboðað, at samráðingar handan afturlatnum hurðum høvdu givið úrslit.
At Katar alment kemur fram, styrkir ætlanina, sum skal verða komin ígongd í 2023. Ætlanin er, at jarðgass frá Leviathan økinum, ið Chevron rekur í eystara partinum av Miðjarahavi, skal renna ígjøgnum eina verandi rørleiðing inn í Ìsrael og so haðani inn í Gaza ígjøgnum eina nýggja rørleiðing
Tað sigst at ES hevur játtað 24,448.800 USD, at fíggja rørleiðingina inni á Gaza økinum.
Palestinski forsetin Mohammad Shtayyeh tók væl ímóti ætlanini og helt fyri ”at rørleiðingin fór til fulnar at loysa elorku kreppuna í Gaza”.
Í mong ár hevur ætlanin bert eitt fjart hugskot orsaka av stríðnum millum Ísrael og palestina arabarnar, og somuleiðis stríð og klandur innanhýsis hjá palestina arabarum. Embætismenn siga, at ísraelar, palestinar, Katar og ES-áhugamál eru runnin saman tær seinastu vikurnar til tess at gera ætlanirnar meira ítøkiligar.
Ísrael og Egyptaland hava, av trygdarávum, eina stranga handilsforðing móti Gaza, orsaka mistálit á islamistiska bólkin Hamas, ið fekk ræði á Gaza í 2007.
Sum støðan er ídag so framleiðir tað einasta elorkuverkið í Gaza bert streym 12 tímar um samdøgrið. Verkið brúkar dieselolju, sum er dýr og dálkar illa.
Kelda: Ynet News
Myndin: Einasta orkuverk í Gaza, sum bara megnar at veita streym helvtina av samdøgrinum.