U17 - Genturnar til Ísrael

Nú er greitt, hvørjum U17- og U19-landsliðini við gentum skulu spæla ímóti í EM-undankappingunum, sum verða í heyst - Mynd: Bjarni Enghamar

FSF: Hósdagin var lutakast í samband við komandi EM-undankappingar hjá U17- og U19-landsliðini við gentum, sum verða í oktober og november mánað.

12. mars 2021

U17-genturnar komu í bólk B4 saman við Slovakia og Ísrael. Kappingin verður spæld í Ísrael um mánaðarskifti oktober-november.

Fyri U19-genturnar háttaði lutakastið seg soleiðis, at Føroyar komu í bólk B1 saman við Hvítarusslandi, Norðurmakedónia og Kýpros. Kappingin verður á Kýpros í døgunum 18. til 26. oktober.

Eftir ætlan skuldi U19-landsliðið við gentum spæla tvær EM-undankappingar í hesum árinum. Planurin var, at undankappingin, sum skuldi verða í Póllandi um heysti í fjør, men sum vegna korona bleiv avlýst, skuldi avgreiðast í apríl mánað í ár.

Men farsóttin vil ikki ordiliga sleppa, og nú hevur UEFA avgjørt, at U19-undankappingarnar hjá bæði gentum og dreingjum, sum skuldu verða í fjør, eru endaliga avlýstar.​

Mynd:  Bjarni Enghamar

Kelda:  vp.fo  

 

Seinastu tíðindi

Politiska støðan í Ísrael kaotisk
18. apríl 2021
Føroyska tjóðarmerkið veitrar nú yvir umboðs­stovu Føroya í Ísrael
15. apríl 2021
MERKIÐ vundið á stong í Ísrael
14. apríl 2021
Ein "ómetaligur ágóði"
13. apríl 2021
AÐALFUNDUR 27. apríl
12. apríl 2021
ÍSRAEL DRÝPUR HØVUR
09. apríl 2021
KEREN HAYESOD - "EIN LIVANDI BRÚGV"
05. apríl 2021
Herverk móti jødiskum gravstaði í Aalborg
04. apríl 2021