Bnei Menashe, ella synir Manassasar, siga seg vera eftirkomarar frá einari av teimum tíggju ættum Ísraels, sum vóru riknar í útlegd undir Assýria heimsveldinum, fyri meira enn 27 øldum síðan.
     Forfedrar teirra reikaðu í øldir gjøgnum Miðasia og Fjareystur inntil loksins, at búseta seg í norðeystur India framvið markinum til Burma (Myanmar) og Bangladesh.
     Á ferð teirra í útlegd hildu tey fast við sína jødisku trúgv eins og forfedrarnir; sabbatin, kosher, høgtíðirnar og reinførislógirnar.
     “Páskirnar bera boð um frígering jødanna og er tað ein høgtíð, ið stingur djúpt hjá Bnei Menashim” segði stovnarin og formaðurin fyri Shavi Israel Michael Freund.
     Páskaaftan fara túsundtals Bnei Menashe jødar í fjarskotna norðureystur India at sessast og fylgja siðvenjuni (Seder) at eta páskamáltíð, ið ber boð um vónina tey hava havt ígjøgnum mong ættarlið: at gera Aliyah og venda aftur til fedranna land, landið Ísrael.
     Tey seinastu 25 árini hevur Ísrael hjálpt fleiri enn 4000 Bnei Menashi jødum at gera Aliyah: “Vit vóna, at eftir 27 øldir í útlegd kunnu tey 6500, sum eftir eru av Bnei Menash halda páskir næsta ár í jødiska heimlandi teirra” segði Michael Freund.

Kelda: Israel Hoyim