Sunnudagurin - almennur syrgidagur í Ísrael

Benjamin Netanyahu lýsir nú landasorg eftir vanlukkuna, sum kostaði í minsta lagi 45 mannalív.

02. mai 2021

Benjamin Netanyahu, forsætisráðharri, vitjaði staðið, har í minsta lagi 45 fólk mistu lívið fríggjanáttina. (Mynd: GPO).

Eisini eru mong álvarsliga skadd. 

"Vit fara nú undir at kanna vanlukkuna gjølla, í øllum smálutum, fyri at tryggja at ein slíkur sorgarleikur ikki hendir aftur", lovar forsætisráðharrin.

Tíggjutúsundtals menninskju, kanska 100.000, vóru komin saman til Lag BaOmer-haldið í Meron í Norður-Ísrael. Hetta er ein jødisk átrúnaðrlig hátíð, har nakrir ortodoksir jødiskir trúarbólkar brenna bál ella fara pílagrímsferð á grøvina hjá jødiska leiðaranum Bar Yochai frá 2. øld. 
Hetta var eisini fyrsti stóri ísraelski fólkafestivalur eftir Korona-farsóttina.

Men, tað sum var ætlað at verða ein veitsla, endaði sum sorgarleikur. Av tí at ov nógv fólk vóru á staðnum, ella brek var í byggitilfari, ella bæði tvey, hoknaði ein partur av einum palli saman. Nógv komu at liggja undir lofti og veggum sum duttu niður og onnur mistu lívið í øllum ruðuleikanum, sum kom í.

Ísraelskir myndugleikar siga nú, at hendingin skal kannast, men, teir siga eisini, at tað vóru komnar ávaringar um, at  tronga útgongdin, har vanlukkan hendi, var vandamikil.

Kelda:  miff.no  -  Bjarte Bjellås - 30. april 2021

Seinastu tíðindi

Ísrael 73 - í Speakers Corner
14. mai 2021
Tríggjar rakettir úr Sýria
14. mai 2021
MUSLIMSKIR SØGUFRØÐINGAR
13. mai 2021
Tjóðardagur Ísraels á Speakers Corner
12. mai 2021
30 deyð í álopum í Gaza og Ísrael
11. mai 2021
Netanyahu ávarar Hamas og Islamic Jihad
11. mai 2021
Fleiri enn 150 rakettir úr Gaza
11. mai 2021
ÍSRAEL SENDIR KORONA NEYÐHJÁLP TIL INDIA
05. mai 2021