FLØGG Í HÁLVARI STONG Á SYRGIDEGNUM
Formaðurin í Knesset dróg fløggini niður í hálva stong til tess at syrgja tey 45, sum fórust í Meron-sorgarleikinum. Sunnumorgunin dróg eisini Knesset-Verjan tjóðar fløggini, ið veittra á Knesset torginum, niður í hálva stong. Allan dagin hava Knesset limir tendrað minnisljós við inngongdina til Knesset.
Formaðurin í Knesset, Yariv Levin, gjørdi av, eftir at hava ráðført seg við sínar fulltrúar, at aðalfundurin í Knesset fór at halda ein syrgi-tingfund mánadagin (3.mai), at minnast tað sum hendi í Meron í síðstu viku. Tingfundurin fór at vera ein persónligur tingfundur, har allir Knesset limirnir kunnu luttaka og røða.
Fløggini á forsetaborgini veittraðu eisini í hálvari stong.
Sunnudagin boðaði “Institute of Forensic Medicine” í Abu Kabir frá, at teir høvdu eyðmerkt øll tey 45, ið umkomust í Meron vanlukkuni. 44 av offrunum vórðu latin familjunum at jarða; eftir ynski frá familjuni verður tað síðsta latið seinni.
Dr. Chen Kugel, stjóri á Instute for Forensic Medicine segði: “Ein vanlukka so stór sum henda, krevur nógv av starvsfólkunum at vera fyrireikaði. Tørvurin og áheitanin frá familjunum um at gera skjótt av var skiljandi og vit gingu teimum á møti, men vit slakaðu ikki í mannagongdini. Eg ynski at sýna mína samkenslu til allar familjunar” segði Chen Kugel.
Kelda: Israelnews