ÍSRAEL SENDIR KORONA NEYÐHJÁLP TIL INDIA

Ísraelska uttanríkisráðið upplýsir, at neyðhjálp, ið umfatar túsundtals bólka- og einstaklinga súrevnisútgerð, andingartól, heilivág og aðra medesinsk útgerð, verður send loftvegis til India í hesum døgum.

05. mai 2021

Til tess at basa heimsins størsta Koronaóløgi fer Ísrael at senda alneyðuga súrevnisútgerð til India týsdagin (4.5.21), upplýsti uttanríkisráðið.
Uttanríkisráðið segði mánadagin, at fleiri flogfør fóru at flyta nevndu neyðútgerð til India í vikuni.
“Okkara hjálpandi hond er ein staðfesting av góða vinalagnum landanna millum”, segði uttanríkisráðharrin Gabi Ashkenazi.
Seinastu árini hava tjóðirnar havt eitt hjartaligt vinalag sínámillum, har eisini Benjamin Netanyahu og Narendra Modi eru persónligir vinir.
Nú Indiska heilsuverkið er um at hokna undir teimum mongu Koronatilburðunum og sjúkrahúsunum tørva sengur og súrevni, er hjálp úr nógvum londum komin til India.
Tá ið Koronasóttin tók seg upp, drálaði heimsins størsta fólkaræði, India, ikki við at senda Jødiska statinum 5 tons av heilivági og hydroxychloroquine – (sum tá varð roknað við at kunna hjálpa) - hóast India hevur strangar avmarkingar fyri útflutningi av medesini.
Ísrael hevur nú møguleikan, at sýna India vælvild, nú tað sær út til, at Ísrael - innanfyri landamørk síni - hevur bast Koronasmittuni, nú meira enn helmingurin av íbúgvunum er koppsettur.

Kelda: Ynet News

Seinastu tíðindi

Samráðingar slitnaðar
19. juni 2021
Fyrrver­andi stjóri í starvsliði Netanyahu fær nú valdið
13. juni 2021
Heilsaðu ísraelsku hondbóltspælarunum
07. juni 2021
Seinasta hetjan frá Auschwitz farin
07. juni 2021
Føroyar vunnu 29-25 á Ísrael
06. juni 2021
Lagnustund móti Ísrael
06. juni 2021
Tveir mans
03. juni 2021
Semja um nýggja stjórn í Ísrael ?
02. juni 2021