Samráðingar slitnaðar

SAMRÁÐINGARNAR MILLUM HAMAS OG PALESTINA-ARABAR Í EGYPTALANDI SLITNAÐAR. Hamas krevur eitt nýtt "Hægsta Ráð", alt meðan Fatah roynir at gera seg galdandi.

19. juni 2021

Semjusamráðingarnar í Kairo, millum Hamas og Fatah, hava rent seg fastar eftir fýra døgum og tað sigst at ósemjan partanna millum er ov stór til at nøkur semja er í eygsjón.
Sambart blaðnum Israel HaYom setur Hamas krøv, ið hótta palistinska myndugleikan PA (Palestinian Authority) og fara at avbyrgja teir á altjóða pallinum.
Hamas vil útskifta PA við eitt "hægri stýrandi ráð", sum telur Hamas, Palestinian Islamic Jihad, Fatah og ymiskar aðrar yvirgangsbólkar, sum í løtuni eru undir skýlinum hjá PLO (Palestine Liberation Organization). Hetta hægsta ráð skal koma í staðin fyri PA eftir eina tvey ára skiftistíð.
Hetta ráðið skal hava ræði á Gaza, og palestinsku økjunum í Judea og Samaria. Tað sigst, at egyptiskir semingsmenn skilja, at hetta ráðið vil helst hava "vápnaða mótstøðu, sum eina meginreglu" (eitt fagurheiti fyri yvirgang), sum ein varandi møguleika mótvegis Ìsrael.
Ein semja um at luta makt, ið umfatar Hamas og aðrar yvirgangsbólkar, brýtur Oslo-avtaluna, ið er sjálvt grundarlagið undir tilveru PA´s (Palestinian Authority).
Við at útseta valið og so loyva Hamas at útnytta høvið at skjóta rakettir inn í Ísrael, hevur Fatah mist nógva virðing millum palestinaarabar. PA, stýrt av Fatah, var uppaftur meiri skúgvað til viks av ísraelska Gaza-álopinum og altjóða royndum at enda stríðið.
Fyri sítt viðkomandi, so fór Fatah til Kairo, fyrst og fremst fyri at fáa vald á pengunum til endurbyggjan av Gaza.
Fremsta endamálið hjá Fatah er, at tryggja, at amerikanska konsulátið í eystur-Jerusalem letur uppaftur og amerikanska fíggjarliga hjálp til UNRWA, (United Nations Relief and Works Agency), ið letur pening, einans til palestina-arabar. Fatah vónar, at hesar ítøkiligu vinagerðir frá Joe Biden fara at styrkja teirra umdømi millum palestina- arabarnar.
Palestina-arabarnir hava verið undir tvíbýttari leiðslu síðani Hamas tók valdið í Gaza frá Fatah í einum blóðigum kvetti í 2007.

Kelda: World Israel news

Seinastu tíðindi

HB í Ísrael
04. august 2021
100 ára gamal fyri rættin
01. august 2021
Ísrael bjóðar triðja prikið
13. juli 2021
Áki Johansen tilnevndur sendimaður í Ísrael
12. juli 2021
Sendimaðu­rin funnin millum aðrar umsøkjarar
11. juli 2021
Sendimaðu­rin kunngjørdur fyrst í komandi viku
11. juli 2021
Ísrael: Pfizer er minni effektiv móti Delta-variantinum
05. juli 2021
John Rajani nýggjur løgmans­stjóri
29. juni 2021