Sendimaðurin funnin millum aðrar umsøkjarar

Sendimaðurin finnast millum aðrar umsøkjarar Umsøkjarar, sum í fjør vórðu ov stuttir til starvið sum føroyskur sendiharri í Ísrael, fáa nú ein kjans afturat.

11. juli 2021

Umsøkjarar, sum í fjør vórðu ov stuttir til starvið sum føroyskur sendiharri í Ísrael, fáa nú ein kjans afturat.

Men tey, sum ikki søktu tá - sleppa ikki uppí part.

Jenis av Rana, landsstýrismaður í uttanríkismálum, hevur gjørt av at finna nýggja sendiharran millum tey, sum í fjør vórðu innstillað til starvið, tó uttan at fáa tað.

Tá nýggja sendiharrastarvið varð lýst leyst at søkja í fjør, varð John Rajani mettur at vera besta boðið, og hann tók formliga við sum sendimaður Føroya í Ísrael 1. desember.

24 fólk søktu starvið, 20 menn og 4 kvinnur.

Men longu 29. juni í ár - sjey mánaðir seinni - kundi Løgmansskrivstovan boða frá, at John Rajani verður nýggjur løgmansstjóri eftir Marjuna Hanusardóttir, ið fer frá fyri aldur.

Við Vágaportalin sigur Jenis av Rana, landsstýrismaður í uttanríkismálum, at hann nú fer at finna nýggja sendiharran í Ísrael millum tey, sum vórðu innstillað í fjør, men ikki fingu starvið.

-Nýggi sendimaðurin verður kunngjørdur fyrst í næstu viku, sigur Jenis av Rana við Vágaportalin.

Landsstýrismaðurin leggur afturat, at viðkomandi sum nú varð spurdur, hevur givið játtandi svar.

Kelda:  KvF  Jón Brian Hvidtfeldt  11.07.2021 - 11:06

Seinastu tíðindi

HB í Ísrael
04. august 2021
100 ára gamal fyri rættin
01. august 2021
Ísrael bjóðar triðja prikið
13. juli 2021
Áki Johansen tilnevndur sendimaður í Ísrael
12. juli 2021
Sendimaðu­rin funnin millum aðrar umsøkjarar
11. juli 2021
Sendimaðu­rin kunngjørdur fyrst í komandi viku
11. juli 2021
Ísrael: Pfizer er minni effektiv móti Delta-variantinum
05. juli 2021
John Rajani nýggjur løgmans­stjóri
29. juni 2021