HB vann á ísraelsku meistarunum

Dysturin á Tórsvølli í kvøld móti Maccabi Haifa úr Ísrael endaði 1-0 til HB. Sigurin er tó ikki nóg mikið hjá HB at koma víðari í Europa Conference League-kappingini

12. august 2021

HB hevði so at siga ongan møguleika at spæla seg víðari í Europa Conference League-kappingini móti ísraelsku meistaranum Maccabi Haifa.

Fyrri dysturin, ið bleiv spældur í hitanum niðri í Haifa, endaði nevniliga við stórtapi 7-2.

Tískil hevði HB einans æruna hjá sær sjálvum, og Føroyum, at spæla fyri, og tað gjørdu dugnaligu HB-leikararnir so.

Og góði hugburðurin hjá HB-leikarunum gav úrslit, tí tá dómarin bríkslaði av, so hevði HB vunnið 1-0.

Einsamalla málið á Tórsvølli skoraði Michal Przybylski í 20. minutti, tá hann setti innarusíðuna á eitt framúrskarandi innlegg frá Danieli Johansen, sum enn einaferð var eyðsýndur á HB-liðnum.

HB hevði eisini aðrar møguleikar í fyrra hálvleiki, men Mikkel Dahl var ikki nóg avgjørdur, tá hann koma at standa í góðum støðum.

Dysturin dovnaði nakað, so hvørt sum seinni hálvleikur leið, og at enda kempaðu HB-leikararnir fyri at halda fast í leiðsluni og sigrinum.

Hóast Maccabi Haifa var nær við nakrar ferðir móti endanum, so fekk HB ein kærkomnan evropiskan sigur fyri føroyskan fótbólt.

HB – Maccabi Haifa 1-0 (1-0)

1-0: Michal Przybylski 20.

Dómari: Horatiu Fesnic úr Rumenia

HB: Teitur Matras Gestsson - Heri H. Mohr, Bartal Wardum, Hørður H. Askham, Daniel Johansen - Michal Przybylski, René S. Joensen - Pætur J. Petersen, Adrian Justinussen, Mads Bo Mikkelsen - Mikkel Dahl

Kelda:  kvf.fo.  12.08.2021 - 21:39  Uni L. Hansen

Seinastu tíðindi

Aðalfundu­rin útsettur til hósdagin 5. mai.
27. apríl 2022
Iranskar dronur niðurskotnar
24. mars 2022
Ísraelsk felt-sjúkra­hús í Ukraina
22. mars 2022
Zelenskij: Jerusalem er rætta staðið at samráðast
21. mars 2022
ÍSRAEL GEVUR LVIV Í UKRAINA 6 STÓRAR GENERATORAR
21. mars 2022
Aðalfundur hósd. 31. mars
18. mars 2022
Emirates til Tel Aviv
17. mars 2022
PLO SAGT UPP ALLAR AVTALUR VIÐ ÍSRAEL
14. mars 2022