Hann lendi í Turkalandi ávegis til Ísrael.
Hóast hann í áravís hevur noktað konuni skilnað gekk hann við til skilnað sum eina fyrireiking til at fara úr Afghanistan og av tí at hann óttaðist at Ísrael fór at revsa seg; hetta søgdu tíðindini.
Tann, ið hevur hjálpt Zebulon Simantov, síðan hann flýddi úr Afghanistan, er rabbinarin Moshe Margareten, ið stendur fyri felagsskapinum “Betzedek”. Hann hjálpti honum at sleppa úr Kabul og rindar ferðaseðilin til Ísrael.
Í byrjanini umhugsaði felgsskapurin, at senda Simantov til USA, men av tí at tað fór at verða trupult at fáa innferðarloyvi til USA varð gjørt av, at fáa hann til Ísrael og eisini av tí at hann hevur fleiri ættingar í Ísrael, sum fara at hjálpa honum at fella til.
“Vit kenna ein stóran lætta at tað eyðnaðist at hjálpa Zebulon Simantov úr Afghanistan og koma heilskapaður til Turkalands” segði Moshe Margareten. “Lív hansara var í vanda í Afghanistan”.
Rabbinarin Mendy Chitrik tók ímóti honum í Turkalandi og fer at hjálpa honum at útvega sær innferðarloyvi frá ísraelska konsulátinum í Turkalandi.

KELDA: Arutz Sheva

MYND. Reuters