Fyri umleið 2100 árum síðan vann Hasmonittiski herurin ein týdningamiklan sigur á Seleuidum, í stríði, sum enn ídag verður minst sum upprunin til Hanukkah høgtíðina.
Týsdagin, 16. nov., minni enn tvær vikur fyri Hanukkah høgtíðina (28.nov.), avdúkaði Israel Antiquities Authority (IAA) staðið, har navnframu Makkabeara-leiðarnir sigraðu. Fornfrøðingarnir avdúkaðu har leivdirnar av einum griskum skansa í Lachish skóginum.
”Útgrevsturin prógvar ítøkiliga Hanukkah frásagnirnar”, segði leiðarin, Saar Ganor vegna IAA.
”Tað sær út til, at vit hava funnið ein bygning, ið var partur av einari víggirðing, bygd at verja stóra griska býin Maresha, ímóti álopum frá Hasmonittum”.
Útgrevsturin prógvar tó, at Seleudiska verjan hevði ikki eydnuna við sær; Hasmonittar høvdu brent og oyðilagt bygningin.
Annað, sum fornfrøðingarnir funnu, vóru myntir frá tí tíðini, brendir bjálkar og leivdir av einum veggi í tí 15X15 metra stóra bygninginum. Bygningurin hevði sjey rúm og mett verður at hann var 5 metrar høgur.
Grundað á tað ið funnið er og myntirnar, kunnu vit staðfesta, at bygningurin varð oyðilagdur av tí Hasmonittiska leiðaranum John Hyrcanus, ið hertók Idumeiska økið, umleið ár 112 fyri Kristi føðing.

Myndin: Arbeitt verður á staðnum. (mynd: EMIL ALADJEM/ISRAEL ANTIQUITIES AUTHORITY)

Kelda: Jerusalem Post