Halda seg vita, hvør avdúkaði Onnu Frank

Granskarar hava í fleiri ár granskað skjøl, og teir halda seg nú hava loyst málið. -

Anna Frank doyði í eini nazistiskari týningarlegu í 1945, tá hon var 15 ára gomul.

18. januar 2022

Granskarar halda seg nú hava avdúkað, hvør tað var, sum segði nazistunum frá, hvar gentan, Anna Frank, og aðrir jødar krógvaðu seg fyri nazistunum, skrivar DR.

Altjóða granskarar hava í fleiri ár granskað skjøl, fyri at fáa greiði á tí, sum hendi, og teir halda seg nú hava loyst málið.

Teirra meting er, at advokaturin, Arnold van den Bergh, avdúkaði fyri nazistunum, hvar Anna Frank og hini fjaldu seg.

Var sjálvur jødi

Van den Bergh var sjálvur jødi, og avdúkaði eftir øllum at døma hini, fyri at verja sína egnu familju.

Tað skriva fleiri altjóða miðlar, m.a. BBC.

Anna Frank doyði í eini nazistiskari týningarlegu í 1945, tá hon var 15 ára gomul.

Dagbókin, sum hon skrivaði, var almannakunngjørd eftir deyða hennara, og er ein av kendastu bókunum, sum lýsir lívið hjá jødum undir krígnum.

Kelda:   kvf.fo Sigmar Bláberg

Seinastu tíðindi

Aðalfundur felagsins verður 9. mars 2024 kl. 19 úti á Fløtum.
09. mars 2024
Iranskar dronur niðurskotnar
24. mars 2022
Ísraelsk felt-sjúkra­hús í Ukraina
22. mars 2022
Zelenskij: Jerusalem er rætta staðið at samráðast
21. mars 2022
ÍSRAEL GEVUR LVIV Í UKRAINA 6 STÓRAR GENERATORAR
21. mars 2022
Aðalfundur hósd. 31. mars
18. mars 2022
Emirates til Tel Aviv
17. mars 2022
PLO SAGT UPP ALLAR AVTALUR VIÐ ÍSRAEL
14. mars 2022