Myndin er tikin, tá ið ísraelski forsætisráðharrin, Naftali Bennett, hitti Vladimir Putin í fjør.

Reuters skrivar, at ísraelski forsætisráðharrin, Naftali Bennett, hevur hitt russiska forsetan, Vladimir Putin, í Moskva í dag. (05. mars. 2022).

Her hava teir umrøtt støðuna, sum í løtuni er í krígnum millum Russland og Ukraina, har Russland hevur gjørt innrás í Ukraina.

Ísrael hevur verið nevnt sum ein møguligur meklari í krígnum millum londini. Ísrael er ikki við í tiltøkunum móti Russlandi, og hetta hevur landið eisini hoyrt fyri í USA.

Sambært viðurkenda miðeystur-tíðindamanninum, Barak Ravid, fór ísraelski forsætisráðharrin, Naftali Bennett, í loyndum til Moskva.

Í Ísrael høvdu tey tó sambært tíðindamanninum latið USA fingið at vita um vitjanina fyri fráferðina hjá ísraelska forsætisráðharranum.

Kelda:  in.fo  Vilmund Jacobsen
05.03.2022 (17:59)